Chit-khoán siā-hōe--ni̍h ê seng-oa̍h chiah sī súi.
I ê jī bō͘...
Góa ka-tī lâi!
kám-siā lāu-su pun-tiuⁿ hó-mi̍h lâi hō͘ góa him-sióng,
chin ló͘-la̍t!
抑是喝拳飲酒，大聲唱歌
抑是恬恬--a對飲，哀聲嘆氣，
抑是講東講西，論人長短，
消磨百般無奈个暗時，
此是阮个店仔頭，
此是阮个廣播站，
此是阮入夜以後，唯一个避難所。
千百年來，永遠者哖 á 閙熱，
永遠者哖 á 稀微，
千百年來，千百年後，
無可能出頭个阮，
只是一陣布袋戲尪仔，
治店仔頭幌來幌去，
不知省人咧搬弄，
土豆閣來一百，
幌頭 á 閣來--一杯，
電視--ah，汽車--ah，
都市返來个少年家--ah
不免共阮展，
都市个虛花。
店仔頭个椅條頂，
坐咧開講，
親像田塗吪哖 á 戇个阮，
長長个一生，閣按怎行，
嘛是店仔頭頭前此幾條，
短短个牛車路。
4 Likes
Góa bān chi̍t pō͘, m̄-koh lóng phah ·ah, to̍h-sī beh tah ·chhut ·lâi 
Ia̍h-sī hoah-kûn lim-chiú, tōa-siaⁿ chhiùⁿ-koa;
Ia̍h-sī tiām-tiām-á tùi-ím, ai-siaⁿ thàn-khì;
Ia̍h-sī kóng-tang-kóng-sai, lūn lâng tn̂g-té,
Siau-mô͘ pah-pan bô-nāi ê àm-sî.
Che sī gún-ê tiàm-á-thâu,
Che sī gún-ê kóng-pò͘-chām,
Che sī goán ji̍p-iā í-āu, ûi-it ê phiah-lān-só͘.
Chhian pah nî lâi, éng-oán chiah-nī-á nāu-jia̍t,
Éng-oán chiah-nī-á hi-bî.
Chhian pah nî lâi, chhian pah nî āu,
Bô-khó-lêng chhut-thâu ê gún,
Chí-sī chi̍t tīn pò͘-tē-hì ang-á.
Tī tiàm-á-thâu, hàiⁿ lâi hàiⁿ khì,
M̄-chai siáⁿ-lâng teh poaⁿ-lōng.
“Thô͘-tāu, koh lâi ·chi̍t ·pah.”
“Hàiⁿ-thâu-á, koh lâi ·chi̍t ·poe.”
Tiān-sī ·a, khì-chhia ·a, to͘-chhī tńg ·lâi ê siàu-liân-ke ·a,
M̄-bián kā goán tián to͘-chhī ê hi-hoa.
Tiàm-á-thâu ê í-liâu téng,
Chē leh khai-káng, chhin-chhiūⁿ chhân-thô͘ hiah-nī-á gōng ê gún,
Tn̂g-tn̂g ê it-seng, koh án-chóaⁿ kiâⁿ,
Mā-sī tiàm-á-thâu thâu-chêng chit kúi tiâu,
Té-té ·ê gû-chhia-lō͘.
2 Likes
To-siā--lín.
Góa ū siūⁿ beh phah, m̄-koh iáu bô sî-kan.
Án-ne Pe̍h-ōe-jī mā chioh góa hun-hióng!
2 Likes
Chhiáⁿ iōng, m̄-thang kheh khì. 
1 Likes
Khak-si̍t ū 2 ê pán-pún mā bē-bái ^^
@Hêbí chhiáⁿ the̍h khì ēng. Nā-sī ti̍t-chiap pun-tiuⁿ liān-á, hoān-sè koh ē-tàng chio chi̍t-kóa lâng lâi chia 
2 Likes