#拒絕中語有競爭力論 #摘回覆

「 真好奇你認為愛支持中語有競爭力 ê 論述,競爭是愛 kah 人比,若講世界前30 YT 訂閱差不多三分之一是英語,西語歐洲南美洲啞是真簡單破千萬億人看,露西亞語啞是榜上有名,亞洲印象中唯一入榜--ê 是印尼千萬人(畢竟馬來西亞語 kah 因 mā 有一半相通),世界YT前三十瀏覽影片是有一半是英語,這兩款前三十是完全無中語內容,想無中語是 leh 自我良好 siàⁿ,除去中殖台灣受中國影響才會有這款膨風幻想別款原因我是想無,鄰國日語 ê 開放性、作品聲量、瀏覽數 tī 世界一定是大大超過中語免想 mā 知,韓語閣 bat 霸佔過世界YT第一瀏覽影片 4年 ê 紀錄

無否認你有美國朋友學中文,我是無法否認中文今有辦法看台灣95%以上 ê 物件,對我若是看中國我 kanna 看著中國歷史劇,除非是對因網路論壇內容有興趣,啞是看盜版?英譯應當是多多過中譯,今人學中文不是看台灣都是看中國,除非你認為用中文寫--ê 有這 ê 世界一定需要無法取代 ê 物件,ok,我先客觀來想,eh,親像歷史資料?免講中國各地人有各地母語 mā 真有可能會復興,就 ánne 我是絕對袂支持繼續 kā 因中國繼續膨風

當然競爭力外 ê 需求凡勢才是第一要緊,就親像我袂放棄台文 kāng款,了解多多了後,我通講我是對中語無特別 ê 情感,所以通簡單 kā 伊 khǹg leh kah 世界真正有競爭--ê 比並 」

240512752_1512507485769664_8599748025762270688_n

7 Likes

補充回覆:「 客觀來看 hoⁿh,台灣無才調代言中國,若有這款企業尋人無看能力看出身,因去尋中國人無咱台灣人 ê 代誌親像因袂尋日本人去中語部門,中語若愛有世界競爭力,YT無一 ê 通 tī 世界拚頭名 ê 創作者 kám 有通講伊真有競爭力?台灣目前 ê 國際YT我是認 Pan Piano 有二百萬超過,留話大部份攏非中語。 」

註:留話者特別講菲律賓有用中語

「 我是知影菲律賓有講「咱人話」親像台語,這1897年軍用台灣語作者 tio̍h 有記講菲律賓有三成土人講 kah 台灣 真óa ê 話,無因著是講 Tagalog,講咱人話--ê 因囝孫 kám 攏變講中語--ah?咁 ánne?(雖然我去菲律賓首都是無聽著人 leh 講咱人話) 」

5 Likes