汝目周所看着个一切朗是過去、咱永遠看無只馬。
Lí ba̍k-chiu só͘ khòaⁿ tio̍h ê it-chhèlóng sī kòe-khì, lán éng-oán khòaⁿ bô chit-má.
汝頭 àⁿ 落去看汝喜隻古錐个狗仔子、汝所看着喜隻狗、是 1⁄200000000 秒進前个喜隻、不是只馬只隻。
Lí thâu àⁿ lŏe khòaⁿ lí hit chiah kó͘-chui ê káu-á-kiáⁿ, lí só͘ khòaⁿ tio̍h hit chiah káu, sī 1⁄200000000 bió chìn-chêng ê hit chiah, m̄ sī chit-má chit chiah.
汝會凍共無熟事个人講：「我看會着汝个過去。」
Lí ē-tàng kā bô se̍k-sāi ê lâng kóng: "Góa khòaⁿ ē tio̍h lí ê kòe-khì."
有一句話講教人勿看過去、愛看未來。不久、咱干焦通看過去、咱所看个、朗是過去。咱無可能去看着只馬、閣卡勿講卜愛看未來。
Ū chi̍t kù ōe kóng kà lâng mài khòaⁿ kòe-khì, ài khòaⁿ bī-lâi. M̄-kú, lán kan-na thang khòaⁿ kòe-khì, lán só͘ khòaⁿ ê, lóng sī kòe-khì. Lán bô khó-lêng khì khòaⁿ tio̍h chit-má, koh khah mài kóng beh ài khòaⁿ bī-lâi.
汝目周那看愈遠、汝所看着个、着是閣卡古早个過去。
Lí ba̍k-chiu nā khòaⁿ lú hn̄g, lí só͘ khòaⁿ tio̍h ê to̍h sī koh khah kó͘-chá ê kòe-k,hì.
暗時仔舉頭看天星、靴个天星有个朗是幾那十冬前个天星、有个甚至幾那百冬...
Àm-sî-á giâ thâu khòaⁿ thiⁿ chhiⁿ, hia ê thiⁿ-chhiⁿ ū ê lóng sī kúi lā cha̍p tang chêng ê thiⁿ-chhiⁿ, ū ê sīm-chì kúi lā pah tang ...
天頂个代志、朗是過去个代志。
Thiⁿ-téng ê tāi-chì, lóng sī kòe-khì ê tāi-chì.
咱活治只馬。感受過去。
想像未來。嗎想像過去。
Lán oa̍h tī chit-má. Kám-siū kòe-khì.
Sióng-siōng bī-lâi. Mā sióng-siōng kòe-khì.