用學英語个方法學台語,用學台語个方法學英語

我細漢个時陣,予厝內播个大話新聞啟蒙台灣意識,自許時就一直卜學台語 ,但是過十外冬,攏無學著啥乜名堂,而且iáu敢若咧退化!

因為我許當時毋知影按怎學台語,干焦學會曉台羅、學一寡rainbow台語是khēng、giraffe是麒麟鹿(新聞定定用即款詞考路人),就感覺家治誠𠢕,到愛佮序大講話个時煞無半撇,悲哀。

可能誠濟厝內母語是台語个少年人嘛佮許時个我仝款,叫是家治「已經會曉」台語啊,其實家治个台語能力有真大个破空,而且會隨一直無咧講个時間退化。

學生時代逐家攏愛學英文,許時个方式是記規千个單字、鼓勵加用英語(當然,暗記單字是足無效率个方式,但是重點是詞彙量愛濟)。到大學攏讀畢業啊,我才想著共即个方式推廣到用來學台語,加用台語,佇厝干焦講台語,佇外口盡量揣人講,電視、youtube攏看台語,頭殼內底嘛換用台語思考,用台語想到khê-khê時就發現著袂曉个詞,著愛連鞭掀字典。自按呢學一年,佮人溝通攏誠紲拍啊,偆四字俗語、孽譎仔話即款个媠氣个講話,iáu需要累積時間來學。

學台語成功个經驗予我誠有成就感,即馬咧想卜用即个方式共英語學好,因我我以前讀英文是干焦應付考試爾,無用即套方式認真學到好。

5 Likes

我感覺學語言,上重要着是環境。家庭、學校、公共場所、媒體,缺一个朗袂用。

像我自細漢着無只欵環境,大漢了後想卜學,着開始超尋網路有省乜資源。不閣着像汝仝欵,干焦學着羅馬字甲一卦卡學術个物件,眞正卜開嘴个時拵着講了足無厘返,蓋多詞朗袂曉。

只馬我嗎是加看加听加學加講,听無着尋詞典,不閣眞多詞足歹尋个 :sweat_smile:

進前我有參加一个全台語个講座,听着眞多台語,嗎有機會講着台語(閣有一卦少年人有發言講台語,凡世嗎是甲我相同處境个人)嗎開始甲阮阿媽講台語(不閣伊朗應我官話 :disappointed_relieved:)只馬レ打字嗎是那打那查。

只馬着是用只卦方式豆豆仔學,橫直嗎無時間壓力。映望有一工,我能凍講共眞厘返,而且共只个語言傳乎後一代 :slightly_smiling_face:

4 Likes

當然
。。。。。。pó͘。。。。。。。