我自来着看讀册人介無。台灣今仔日塊衰屑、逢植民數百冬、啊閣無法度通掃開烏雲、朗朗乾坤、着是拜賜着者个讀册人、者个半山仔、三脚仔。因朗是好額人家出身、干焦顧加治个利益、顧加治个名利。見那歷史行来到關鍵个傷殺關、永遠朗是只陣讀册人、者个半山仔、三脚仔塊出賣台灣、爲着因各人加治个利益、隨時會凍共台灣賣去乎大清帝國、嗎會凍共台灣賣去乎大日本帝國、閣會凍共台灣賣去乎中華民國。
1 Likes
其實免講讀冊人，不如講大眾人民攏共款
自二二八到白色恐怖刣了偌濟知識份子
而且佇媒體佮娛樂產業全部汙名化台語/客語
台灣上重要个事誌是家己个身份認同
有足濟人一直感覺中國偌好拄偌好，一直看衰台灣家己
而且感覺講國語足高級蓋高尚安爾款，見笑講台灣人个母語
好佳哉李登輝阿輝伯主政末期開始認識台灣歷史文化教材
到這馬台灣為主體个課程大綱
雖然抖音捨貨苦毒台灣十幾歲囝仔儂，但是漸漸台灣意識已經出現啊
未來猶原驚惶，咱大家愛齊心協力
1 Likes
按呢講無不着。總是咱愛共一九四五年以後个現象甲一九四五年進前个代志藏（khǹg）做伙來思考。那無、（咱）無可能進步。田像一卦人「感覺講國語足高級・介高尚」、一八九五年進前云那有類似个症頭、民間不即會有「正音」「正音戱」。
那將只五六世紀个歷史扭 （giú）做伙來思考、有影問題主要不是出治農・工・商。閣恰不是出治生番・熟番。
只五六世紀、台灣士人（sū-jîn）咁有影朗自私个？因對清國甲華國介成是有一卦「無私」个貢献。此比自私閣恰害。