(新年臺文小說)迎春之路

(頭改來遮寫文章,歡迎逐家讀文閣指教,嘛祝逐家牛年行大運)

有一个少年叫志龍,自細漢賣炭扞家真粗勇,
一家散赤,但毋捌悲傷,抑是一手擔起行去媽祖宮。

廟埕不時有生理,有時賺有錢,有時購無一箍銀,
予爿仔的頭家娘會在意,甚至抱寡蝦捲予怹一家食甲滇。

原本志龍會歹勢,但是頭家娘講若拒絕會使性地,
只好收落另工再答謝怹規家,殊不知雄雄磅炸響一下,
志龍煩惱甲欲轉去厝內敢有好勢。

經過附近的磅空,看到自己阿爸小弟倒佇遐,
這下團圓變成夢,看著阿母流目屎咧燒金紙,
心內憤慨猶是唱哭調。

偏偏有人哭甲真大聲,爿仔的家屬氣甲欲chàng,
想袂到磅空煏出一个大空,內底閣有人咧活,
「千萬愛細膩到時來的咒詛,啊無就會變甲無望」
過無偌久彼个人隨風咧行。

佇原來的所在躊躇,聽著有人講捌的庄頭有美女,
想講家己的小妹咧行大霧,緊叫爿仔的的好朋友,
前往彼條路揣著人團圓久久。

頭一條路有一間小店,規个攏烏趖趖有夠暗,
這時有舞台閃光照有影,彼爿就有唱歌的人,

遮佇咧問代誌的時陣,來一堆烏衫人徛真穩,
敢會佇這行歹運,結果仝款揣人咧來問,

但是問無線索,怹見笑轉生氣來反桌,
連後閣有人報到,敢是賊頭咧巡邏,
彼堆烏衫隨風飄,原來家將出巡佇後壁頭。

義氣上身,怹一路做伙揣人去,
雄雄有人予掠去,到底誰人無聊做這款代誌,
啊無就來一探究竟。

原來有庄頭咧祭祖,向望到時無咒詛袂煩惱,
偏偏我的朋友裝豬頭裝勇,莫怪有人挈伊來剁,
誰人會當來阻檔,結果一聲「凍咧」予村民看清楚,
才知影家己是有夠糊塗。

足無簡單化解誤會,煞毋知代誌會變甲花花,
揣著小妹的路著欲到底,雄雄有閣一組家將來搶地,
遮的人嘛開始擺好姿勢,準備欲來仙拚仙,
這時烏雲連天,敢講彼个咒讖欲…

當咧想的時,雙爿的家將攑起家私,
大力一揮,雷公閃爍,大雨遍爿,然後天晴,
四界的土地攏非常有元氣,
啥物咒讖根本著平安無代誌。

這時有人干焦欲叫我...
「志龍,你閣佇這咧創啥?趕緊來田仔爿,揣著你小妹矣!?」
聽著影,看著影,目屎著欲流,心愛的小妹哪會倒佇遐無醒來,
敢講無法度轉來阮身邊,目屎流袂離,鬧熱到這爿,
一隻春牛看著小妹就想欲舐,
我甲伊喙舌刜去,想欲到伊的目睭開起!?
「阿兄,毋是欲佮庄頭的逐家攢新年?我哪會...」
志龍對小妹金金看,心內有講袂完的歡喜

仝一个時...阿爸阿母閣有小弟小妹竟然佇我頭前!?
原來是因為磅空內有毒氣予逐家熏倒去,
經過一路上的驅邪佮處理,
總算會當一家團圓返轉去,
互相歡喜,祝逐家有一个好年!!

5 Likes