只个問題咁有叱困難？
無愛食着免買。煞。
台灣者久塊進口米國牛。商店甲人客早着慣勢看牛肉產品个「產地mà-khuh」。一直塊oàn-thàn米猪个咁有塊食米牛？講一个秘密：米牛朗加減嗎有精肉精治內 
其實我看台灣人那恰無甲意食米猪、原因是精肉、不是精肉精。米國人怪怪、無省塊食上好个部份 
5 Likes
精肉精一直無較完整个人體影響个研究。歐洲佮百偌國嘛是因為缺這款研究才禁止精肉精。毋擱台灣早就已經開放進口米國牛矣。這馬講精肉精有偌毒早就攏來不及囉。
1 Likes
那是有問題、治米囯着以経食叱久个許卦米囯人、不早着滅族唖？
米囯牛肉入来台湾叱哖久唖、今抗議到上大声个許陣人、因進前那會朗沾々？
無愛食着勿食、此有影是假議題啦。
1 Likes
毋是按呢講。袂吊鼎嘛是足濟人炒佮Teflon攏花去猶擱咧用。怹無全部死去毋代表食著Teflon無要緊。
Chiaⁿ-bah-cheng kap Teflon kám ū pêⁿ koân ê to̍k-sèng?
Bô lâng huat-piáu Tsann-bah-tsing ê gián-kiù siáng ê tsai?
M̄-chai tō bô thang thó-lūn kóng hit-khoán ti-bah ū gōa to̍k--a.
Bô chèng-kì tō bô ha̍p-lí ê lí-iû kā Bí-kok ti-bah kìm.
Án-ne chit-má oân-ná ū khai-hòng ê tō-lí tī-teh.
"Hit-hō ti-bah kám ū-iáⁿ to̍k kà bē hàu-ko͘?" Che iáu koh bē-tàng sêng-li̍p. Bô sìn-jīm Bí-kok ê phiau-chún, che bo̍k-chiân kan-na sī 1 chióng soán-te̍k niā-niā.
Nā boeh kìm, Bí-kok-gû-bah tō ài tâng-chê kìm, m̄-kú taⁿ lóng ka kìm ê ha̍p-lí-sèng tī tá-ūi?
Khòaⁿ-khoán iáu bô.
1 Likes
Góa khòaⁿ iū koh jú kán-tan.
Nā ū lâng siong-sìn he bah ū to̍k, i tō bô ài bé, bô ài chia̍h! Án-ne hō chò: chū-iû bō͘-e̍k. I nā khì lō͘-piⁿ tàⁿ-á m̄ chai he siáⁿ-mih ti, mā bô siong-sìn thâu-ke kóng he phín-chit siāng hó ê Tâi-oân ti, án-ne mā kāng khoán bô ài chia̍h m̄ tō hó!
Góa siāng bô liáu-kái ê tō sī ta̍k-ke lóng beh thó-lūn he cheng kám ū to̍k. Lán m̄ chai. Siong-sìn ū to̍k ê lâng, hó, mài bé. Hō͘ góa chia̍h tō hó. (Hó, góa mā liáu-kái -- tō sī kap sū-si̍t bô koan-hē, hō-chò chèng-tī chò chhiú m̄ chiah tio̍h.)
1 Likes
Hèⁿ, boeh siong-sìn Bí-kok-ti ū to̍k bô, che chhut-chāi lâng ê.
Chóng--sī nā bô chèng-kì tō boeh ka kìm, che chok-hoat tō kap chū-iû-bō͘-e̍k bē-ha̍h.
1 Likes
（Kóng chi̍t-ê 跳站仔、thiaⁿ-á-kóng Bí-kok肉猪teh飼、有hē chiaⁿ-bah-cheng lo̍h--khì 飼--ê、lóng-chóng chiàm bô kah 3成、chiū-sǹg ùi kin-nî khí Tâi-oân ài-beh chìn-kháu ji̍p--lâi、beh chia̍h tio̍h 許欵--个猪肉 我看丸那 chiâⁿ 有數）
1 Likes