遮愛{對|ùi}台語ê源頭開始講。
先講置頭前：「台語毋是閩南語」（台語是閩南語變體ê隻{tsi̍t種}。）
親像無儂會講「英語是日耳曼語」、「法語是拉丁語」共款。
台語佮閩南語ê關係是按ne ê：
漢藏語系 > 漢語族 > 閩語群 > 沿海閩語 > 閩南語 > 泉漳片 > 台灣話
【參考】
印歐語系 > 日耳曼語族 > 西日耳曼語支 > 盎格魯-菲士蘭語組 > 英語組 > 英語
當初「閩南語」會出現，是因為上古漢語（周~漢）進入百越（即馬ê華南佮越南）ê閩越區，置遮演變出原始閩語。
後來原始閩語{卻|koh}受著中古漢語（魏~宋）ê影響，所以咱即馬講ê台語，內底真{㩼|tsē}音佮上古漢語和中古漢語ê真成。
尤其是華語已經無「入聲字」ah，台語猶有入聲字。
遮就是為甚物用台語文讀音讀古文、古詩，音會較近。
「排斥閩南語即ê名」毋是kan-na意識形態。台語源自於支那漢語遮是事實，ah「台語毋是閩南語」mā是事實，而且「閩南語」有足㩼款，毋是逐款閩南語攏會使得佮台語相通。
(X) 「毋過台語並無chiâⁿ-chòe中國个強勢語言」
(O) 「毋過閩南語（抑是其他官話以外ê語言）並無chiâⁿ-chòe 中國个強勢語言」
因為無隻ê華南民族統治過全支那（中國）。
語言ê強勢佮政權有關係。