有真tsē親像hoo-té-lù、oo-tóo-bái這款，ùi日語來ê原英語字詞較簡單hūn-piān。
毋過koh-ū tsiok tsē ùi日語借來ê台語字詞tsiok歹piān-sik。
最近thiann--tio̍h一個詞，gioh-toh。後來才知是日語ê上等（じょーとー，以早寫作じやうとう）。毋過我thiann--tio̍h个mā毋是當作"高級"彼kuá較o-ló个用法，較sîng--leh khau-sé講哪有hia寶貝？
Thâu-tsi̍t-pái知影li̋n-tsín是日語ê時陣我mā是tshuah-tsi̍t-tîo。
我知影ùi日語來ê外來詞有三種。第一種是儘量照日語ê發音講。第二種是koh台語唸日語ê漢字。第三種是koh一半。
大家kám-ū用tsiok久，抑是thiann--tio̍h毋知是日語外來詞ê台語字詞？
Góa chū sè-hàn lóng kóng Hôa-gí ê 壁虎 hō chò "ia-mo͘-lih". M̄ koh kóng hō͘ lâng thiaⁿ in lóng m̄ chai. Kóng "siān-thâng-á" chiah tio̍h.
Tōa-hàn liáu-āu chiah chai-iáⁿ he sī Ji̍t-gí ê 守宮(やもりyamori). Góa chit ê jī sī kah gún tau kan-na ē-hiáu kóng Tâi-gí kah Ji̍t-gí ê a-chó͘ o̍h ê!
我mā無thiann--kuè "ia-moo-lih" 這個講法！真趣味。
Che sǹg bōe liáu lah, chèng-tī, kho-ha̍k, bu̍t-lí, hoat-lu̍t, sím-phoàⁿ, tiān-ki, ki-khì, gîn-hâng, bûn-ha̍k, loân-ài, goân-lí, kok-hōe, tiān-ōe...
這kuá是和制漢文。北京話mā tiānn-tiānn--leh用。
Kám m̄-sī jı̍t-pún-ōe lâi--ê, a̍h sī lí kám-kak he sī lán ùi Chi-ná-ōe khip-siu--ê, 1945 chìn-chêng bô-lâng teh iōng?
Hennh--a. 毋過和制漢文較tsē lâng leh講，對我來講今馬較簡單分辨。
Ia-mo͘-lih goán mā ū leh kóng! Tian-tò sī āu--lâi thiaⁿ lâng kóng siān-thâng-á, góa thâu-khí-seng kiò-sī kóng he pa̍t-chióng thâng. XD
Chhiūⁿ CHHIÁN-THOA goán mā hán-tit kóng, khah chia̍p kóng su-lí-pah (Ji̍t-gí ê スリッパ), CHHÙI-OM/CHHÙI-AM sī ma-su-kuh (マスク).
Koh-ū chi̍t-ê CHHU LIÛ-LÔNG, goán kóng chhu su-bé-lí-lái (滑り台).
Góa mā kiò-sī sī thâng xDDD
m̄ chai-iáⁿ kám ē kah tē-khu ū koan-hē? A̍h-sī o̍h ê tùi-siōng ū éng-hióng. Gún tau sī Phêⁿ-ô͘/Pîn-tong, a-chó͘ sī siū Ji̍t-pún kàu-io̍k.
Iah-sī kah ka-tîng tī Ji̍t-pún sî-tài ê king-tsè lîng-li̍k ū koan-hē? King-tsè lîng-li̍k kah hó ê ka-tîng siū-tio̍h ê Ji̍t-gí kàu-io̍k khó-lîng mā kah tsē?
Góa sī Táⁿ-káu, a-kong sī Ji̍t-pún sî-tāi ê lâng. 
Góa kám-kak hām khiā-ke ê só͘-chai ū koan-hē. Goán a-kong a-má kài-sêng lóng sió-ha̍k bô pit-gia̍p, m̄-koh goán khiā tī khah óa chhī-lāi, koh ú-leh chò seng-lí, hoān-sè sī án-ne, kóng-ōe chiah chham khah chē gōa-lâi-gí. 
Guá nn̄g-pinn ê a-kong a-má lóng tuà tshī-lāi, mā lóng ū leh tsò sing-lí. Tâi-lâm ê a-kong a-má siū kah tsē Ji̍t-pún kàu-io̍k, mā ē-tàng tsuân Ji̍t-gí kóng-uē. Tsiong-huà a-kong a-má lóng buē-hiáu kóng Ji̍t-gí, tshù--lí mā kah hán--lí kóng uí Ji̍t-gí lâi ê guā-lâi-sû.
我幾á guā冬前tsah知影「槓龜」mā是外來語，而且毋nā是日語「コンク」，卻是日語ê外來語，伊其實是對美 國來ê詞：skunk。
較早美國原住民去狩獵時，若是牴著臭鼠，就是隻件真衰ê載誌。
第二个kap第四个有予我感覺較意外。
1.舊年厝內買膨椅，tiāⁿ-tiāⁿ使用tio̍h「it-pái it-pái」chit个詞，阮兜lóng是用佇寸尺拄仔好ê時陣，感覺應該是日本話，去查才發現自細漢聽到大漢ê it-pái it-pái原來是tùi日語「いっぱい、いっぱい」來--ê。
連結：乙擺乙擺 it-pái it-pái（乙擺乙擺應該是𪜶家己發明ê台語漢字寫法）
2.以前teh踅教育部ê台語辭典無意中看著足感心ê「感心」原來嘛是日語。
連結："感心 kám-sim" - 臺灣閩南語常用詞辭典
3.華語：不然你有多了不起！---------〉台語：啊無你是偌lài-sàng！，「lài-sàng」應該是日語ê「 礼賛」。我一直揣無相關ê資料，本底leh臆kám sī ùi「偉い」變過來ê，結果意思kap發音lóng仝款--ê 敢若tiō-sī「 礼賛」矣。
連結：礼賛／礼讃（らいさん）の意味 - goo国語辞書
4.「見本」，細漢時看八點檔，阮爸仔若是無看著"預告"，to̍h會問阮母仔「見本咧搬啥？」，彼陣我掠準見本tiō-sī台語ê"預告"，後來看字典ê解說敢若"樣本"lóng會使號做見本ê款，毋過除了阮爸仔彼个例以外，我猶未聽著別人將"樣本"號做見本。
連結："見本 kiàn-pún" - 臺灣閩南語常用詞辭典
Chìn-chêng góa khòaⁿ-tio̍h kiàn-pún sī kóng "sample" ê ì-sù.
「乙擺乙擺」應該是in家己發明ê寫法，日文是寫「一杯」。
一般攏是較老隻輩ê有時會講「腹一杯」。
果然「感心」mā是日語來ê。
「礼賛」真誠無聽過台灣儂講，我kan-na知影即ê詞是日語，毋過伊ê意思我mā一直記未起來。
"sample"Gún tau攏講「樣品」，「見本」普通攏是置日本冊店卻有同人販賣會看著。w 有隻遍我ê表小弟置FF看著，講「為甚物beh用『見本』無愛用『樣品』」，我後來想想下，除了習慣按ne寫以外，FF hiah mā 未少日本儂，寫「見本」予in看mā是正常ē。w
Kah-to͘-la-khuh 提來掀lah
Su-là-buh téng 放炮仔 lah
請問"Su-là-buh téng"是甚物？我應該是頭一遍聽著 @w@