Tāi chì ê khí thâu sī chin kú í chêng @aióng pho͘ ê chit phiⁿ bûn:
Liân oe̍h hâm jī ê koan hē: "Án chóaⁿ hō chò chi̍t jī?"
Chu hia khai sí góa to̍h teh siōⁿ liân oe̍h tàu té sī ài hiat ka̍k a̍h sī beh lâu teh, ah nā beh hiat ka̍k, sī beh kā im chat sio kap siá, a̍h sī làng phāng siá. Ūi tio̍h beh chhì giām, góa chū 2 tang chêng to̍h làng phāng siá kah chit má. Kóng chiâⁿ sit ．ê , tha̍k khí lâi, siá khí lâi kap ū siá liân oe̍h sī choân choân bô kan gāi. Só͘ í kàu taⁿ góa iáu chin kian chhî siá làng phāng ê, mā bô láng bat kóng i tha̍k bô.
Ah koh chit chūn siōⁿ beh kā coding ê lêng le̍k liān tńg lâi, to̍h siōⁿ kóng beh chò chi̍t ê kap Tâi Oân ōe ū tī tāi ê mih á khòaⁿ māi teh. Lo̍h bóe chò ê to̍h sī che: DeHyphenated.
I ê lō͘ ēng chin kán tan, to̍h sī kā bûn chioⁿ lāi té ê liân oe̍h lóng chóng ōaⁿ chò làng phāng. Ah nā tn̄g tio̍h tōa siá ê bêng sû, ē khòaⁿ góa ê chu liāu chi̍p lāi bīn ū ．bô. Nā ū to̍h ē chiàu góa só͘ siat ê tōa siá hong sek khì choán ōaⁿ. Bo̍k chêng sī iáu teh chhì giām kap chéng lí bêng sû ê chu liāu. Iā ū khai hòng ta̍k ke ēng Google Form ke thiⁿ bêng sû. M̄ koh ài góa sim cha ū kòe chiah ē key in ji̍p khì.
Mā ū chò Chromium ê extension, ē sái kā kéng tio̍h (selected) ê jī ōaⁿ chò bô làng phāng ê Pe̍h Ōe Jī. Chit má sī v0.5.0, bī lâi ê update ē siōⁿ beh chò "chhōe bāng ia̍h lāi ê Tâi bûn, chū tōng ōaⁿ chò làng phāng Pe̍h Ōe Jī" ê kong lêng.
Ē kha khǹg DeHyphenated ê bāng liān á:
Bāng ia̍h pán
(GitHub)
Chromium Extension
(GitHub)