Ū lâng án-ne chú-tiuⁿ. Bô, lán tiàm chia lâi thó-lūn.
Kiám-chhái ū siàu 6543, hit-ê 4, siá tī 10 ê ūi, ì-sù sī 4-ê 10. Hit-ê 5, siá tī 100 ê ūi, ì-sù sī 5-ê 100.
Sin-khu ū nn̄g-ê tōa-kńg.
Chhò͘ ē chiah nn̄g ê khak.
Káu ū 4 ki kha, kan-taⁿ 2-ê kha-thâu-u. To̍k-to̍k chhiūⁿ ū 4-ê kha-thâu-u.
góa í-chá ū kiàn-gī：
tōa pō͘-hūn ê "ê" lóng bián "liân-jī" oe̍h.
m̄-koh, nā "ê" āu-piah ū séng-lio̍k ê miâ-sû, án-ni tio̍h it-tēng ài.
chhiūⁿ
- I ê hòe-thâu phēng góa[--ê] khah chōe.
- In nn̄g-ê chò-hóe khì thit-thô.
- Góa kóng-ê sī án-ni.
Chiàu kóng án-ne siá bô būn-tê:
Kiám-chhái ū siàu 6543, hit ê 4, siá tī 10 ê ūi, ì-sù sī 4 ê 10. Hit ê 5, siá tī 100 ê ūi, ì-sù sī 5 ê 100.
Sin-khu ū 2 ê tōa kńg.
Káu ū 4 ki kha, kan-ta 2 ê kha-thâu-u. To̍k-to̍k chhiūⁿ ū 4 ê kha-thâu-u.
Siá án-ne mā bô būn-tê:
Kiám-chhái ū siàu 6543, hit ê 4, siá tī 10 ê ūi, ì-sù sī sì ê 10. Hit ê 5, siá tī 100 ê ūi, ì-sù sī gō͘ ê 100.
Sin-khu ū nn̄g ê tōa kńg.
Káu ū sì ki kha, kan-ta nn̄g ê kha-thâu-u. To̍k-to̍k chhiūⁿ ū sì ê kha-thâu-u.
Che mā ē thong:
Chhò͘ ē chia̍h nn̄g ê khak.
(Sī kóng Bêng-hàn hiaⁿ kám m̄ sī “tùi ‘ê’ kòe-bín”?)
Bêng-hàn hiaⁿ só͘ giah ê lē pún-chiâⁿ to sió-khóa phian-phiah. Sò͘-sû tàu só͘-iú-sû “ê” ê cho͘-ha̍p, siong-tùi chin hán-tit hoat-seng. Tiō chún hoat-seng, chiàu-siông kā siá (bô siat lē-gōa) kán-ná mā sī bô būn-tê……
Tâi-bûn-kài chāi-lâi bô siat chit hāng lē-gōa, mā sī tāi-piáu kóng Tâi-bûn-kài chū chá kám-kak chit tiâu lē-gōa ê lī-ek < sêng-pún (OVERHEAD).
m̄-koh, nā "ê" āu-piah ū séng-lio̍k ê miâ-sû, án-ni tio̍h it-tēng ài.
"Lán ê siat-kè khah iâⁿ in-ê." Án-ne?
1 Likes