Ùi Chhài-chiáu-á ê chi̍t-kóa būn-tê kè-sio̍k thó-lūn:
Phiau-á á bē siat-tēng. Góa chit-má teh siūⁿ, siōng ki-chhó͘ ē sái chò "bûn-jī" ê phiau-á:
Kám ū su-iàu hun khah iù, phì-lūn-kóng:
?
Bô nā án-ne hun ē sái kéng 2-3 sek-ha̍p ê phiau-á:
Tû khí bûn-jī hē-thóng ê phiau-á í-gōa, koh ài sáⁿ? Phì-lūn-kóng:
Á bē siūⁿ hia chhim, che chhìn chhái kóng hō͘ ta̍k-ke chham-khó.
Góa kám-kak chit-ê siōng oân-chéng. M̄-koh che kám tāi-piáu, góa nā siá POJ, tio̍h koh tah chi̍t-ê Lô khah lī-piān nn̄g chióng lóng siūⁿ-beh tha̍k ê lâng chhiâu-chhōe?
Góa thâu-tú-á siūⁿ-beh tah góa ê Tek-gí sió-soat hoan-e̍k, goân-té siūⁿ-beh tah ê piau-á ū:
Góa hit-phiⁿ bô siá Hàn-jī, só͘-í góa bē khǹg 翻譯, 小說, 德語文學, 廢墟文學, 二戰後. Án-ne Hàn, Lô lóng ē-hiáu tha̍k ê lâng tio̍h ài chhiau nn̄g pái, góa sī kám-kak che bô siáⁿ iàu-kín. Khah mâ-hoân ê sī Hàn-lô-lām ·ê piau-á, cho͘-ha̍p khó-lêng ū chiok chē chióng.
Góa siūⁿ thâu-khí-seng 翻譯, 小說 èng-kai ū kàu a? Tán kah chin chiàⁿ ū khah chē mi̍h-kiāⁿ chiah hun khah iù?
M̄-chai chit-ê āu-tāi hē-thóng án-chóaⁿ siat-kè, góa khòaⁿ tāi-pō͘-hūn bāng-chām ê piau-á hē-thóng lóng chin chū-iû. Kú-lē, tī AO3 chit-ê tông-jîn chhòng-chok bāng-chām, chok-chiá ē-sái, mā tiāⁿ-tiāⁿ o͘-pe̍h chiàu ka-tī ì-sù chhòng piau-á, m̄-koh in ē lēng-gōa khò jîn-kang kā sio-kâng ·ê piau-á ha̍p chò-hóe, kiam-kò͘ chū-iû-tō͘ kap hong-piān tha̍k-chiá chhiau-chhōe. It-poaⁿ sī bô siáⁿ teh chéng-lí, chhin-chhiūⁿ Facebook, Twitter ê hashtag ta̍k-ke chhìn-chhái ēng. Vocus kap Medium ká-ná to̍h sī án-ne.
Hoâiⁿ-ti̍t chit-má lâng bô kài chē, tû-liáu bûn-jī hē-thóng tio̍h chhiáⁿ ta̍k-ke phòe-ha̍p í-gōa, kî-thaⁿ kám ē-sái seng hō͘ ta̍k-ke chū-iû hoat-hui, chiah khòaⁿ án-ná chéng-lí khah-hó? In-ūi āu-ji̍t nā piau-á khah loān, ē-sái kā chhin-chhiūⁿ Tek-gí bûn-ha̍k kap Tek-bûn bûn-ha̍k ha̍p chò-hóe, sīm-chì sī siu khì Au-chiu bûn-ha̍k lāi-té. M̄-koh, thè í-keng chûn-chāi ê pho͘-bûn ka-thiam pún-lâi bô ·ê piau-á, to̍h ài ta̍k phiⁿ tha̍k lāi-iông chiah chai-iáⁿ án-chóaⁿ tah piau-á, ia̍h-sī tio̍h iau-kiû chok-chiá tńg-lâi kái, ē khah hùi-la̍t.
Tong-jiân, góa m̄-chai-iáⁿ āu-tâi án-ná ūn-chok, iáu-sī ài khòaⁿ lí án-ná koán-lí khah hong-piān.
Chit ê pêⁿ-tâi mā ē sái siat-tēng phiau-á ta̍k-ke chū-iû phah, m̄ koh góa khòaⁿ kòe teh ēng chit ê pêⁿ-tâi ê bāng-chām tāi-pō͘-hūn ke-kiám ē kā koán-lí. Nā hit chióng khah tōa ê, ta̍k-ke chū-iû phah bô sáⁿ iàu-kín. M̄ koh chit chióng khah sè ê pêⁿ-tâi, phiau-á ū kui-kí ē khah hó chhōe.
Tong-jiân lóng sī ū kui-kí khah hó chhōe. Góa ê ì-sù sī koán-lí hong-sek ū nn̄g ê hong-hiòng:
Nn̄g chióng lóng su-iàu jîn-kang chéng-lí, góa kò-jîn sī kám-kak tē 2 chióng khah pháiⁿ chhōe, mā khah oh kiò ē tín-tāng chok-chiá khì ûi-hō͘ ka-tī ê kū bûn.
Góa teh siūⁿ m̄ sī tán kah ū 100 phiⁿ chiah kóng, sī khòaⁿ ū 3~4 ê chhut lâi tō ē sái tit.
M̄ koh, che lóng kap "koán-lí-oân" / "tiâⁿ-tiúⁿ" (á bē tēng moderator án-ná kóng) / "trust levels" ū koan-hē. Phì-lūn "ka sin ê phiau-á" it-poaⁿ sī TL3 ê kong-lêng. TL4, tiâⁿ-tiúⁿ kap koán-lí-oân lóng ē tàng tàu-saⁿ-kāng chéng-lí phiau-á (kap tiâⁿ hun-lūi téng-téng). Che ê kui-tēng sī pêⁿ-tâi default, tong-jiân lán ē sái ōaⁿ, m̄ koh chò chit ê pêⁿ-tâi ê lâng keng-giām siōng chē, in mā án-ne kiàn-gī seng iōng khòaⁿ māi.
Nā sī 3~4 ê to̍h ka phiau-á, to̍h khah bô góa kóng ·ê tē 2 hāng būn-tê. 
Góa ū sî mā ē hàn-jī lām POJ, kám ū chit-chióng hun-lūi?
Kám beh ke chi̍t ê (mn̄g sū) ê phiau-á? ū būn-tê beh mn̄g ê sî thang ēng.
Án-chóaⁿ-kóng ū chi̍t ê choan-mn̂g ê sub-tiâⁿ, èng-kai m̄-bián koh ēng phiau-á?
Án-ne koh chhéng-kàu, piau-á beh án-chóaⁿ kéng?!
Phiau-á nā chhōe bô sek-ha̍p ê m̄-bián tio̍h kéng, nā ū chi̍t ê í-siōng ē-sái lóng tah.
Tú-chiah koh pìⁿ ū--ah, ló͘-la̍t.
Góa in-ūi tú-hó ìn liáu lí mn̄g 截圖 hit phiⁿ, tú-chiah kió-sī lí teh kóng chhin-chhiūⁿ hit-khoán teh mn̄g án-chóaⁿ-kóng ·ê. Nā-sī koh khah kóng-hoàn ê mn̄g sū...góa siūⁿ-tio̍h būn-tê kap kiat-àn hoān-sè ē ū su-iàu. Pho͘-bûn seng kéng būn-tê, nā ū móa-ì ê tap-àn tō phian-chip kái chò kiat-àn. Khòaⁿ ta̍k-ke kám-kak án-chóaⁿ.
M̄-koh án-ne kiaⁿ ē sió-khóa lo-so. Ū-sî-chūn pho͘-bûn thó-lūn, hoat-piáu ka-tī ì-kiàn, chhiáⁿ ta̍k-ke chí-kàu, che kám-m̄-sī mā sǹg chi̍t-chióng "mn̄g"? 
Kám-kak mā bē-bái ^^
Kî-si̍t góa sī koh bô sáⁿ liáu-kái hē-thóng, chiah ē ū tú-chiah ê būn-tê, chit-má í-keng liáu-kái án-chóaⁿ iōng, góa it-ti̍t kā su̍p-tiâⁿ tòng-chò sī piau-á, chiah ē án-ne...
Chin ló͘-la̍t, koh hō͘ lí phah hiah chē.
Pêⁿ-tâi pún-sin ū chi̍t ê "kéng kiat-àn" ê plugin, góa iáu bē an-chong. Lán kám su-iàu? Bô tō an-chong chhì khòaⁿ māi.
Góa kî-si̍t bô kám-kak pit-iàu, sī khòaⁿ @kángTo͘ ê būn-tê tit-tio̍h ·ê lêng-kám. Ē-sái chhì khòaⁿ-māi, m̄-koh nā bô-êng mā bián tio̍h-kip chò.
Góa sī kám-kak chhù-bī chhù-bī, m̄-koh sī bô it-tēng su-iàu, bo̍k-chiân ê kong-lêng eng-kai sī kài ū-kàu ēng.