Chhiáⁿ nn̄g ūi pó-chhî lé-māu khah tio̍h. Chia ê pêⁿ-tâi iu-goân ē sái hoat ka-tī siūⁿ beh kóng ê, bô su-iàu kiò lâng tiām tiām. Nā bô ài khòaⁿ iā sī bô ài hôe, tō m̄ bián khòaⁿ m̄ bián hôe.
4 Likes
Hó, bô būn-tê.
1 Likes
汝án-ne ka̋ng tshò mā sī m m-óo
1 Likes
Góa ā sī bô jīn-tông lí só͘ siat ê Tâiwânbûn, m̄-koh, góa beh kā lí hōe sit-lé. Góa bô èng-kai tùi lí kóng ōe bô lé-māu, mā bô èng-kai kiò lí tiām--khì.
2 Likes
Nāsī chèngkeng·ê thólūn, yuguân huan'gêng lí.
2 Likes
@aióng lí-hó,
Guá tsai-iánn POJ/KIP su-iàu thuân-kiat thui-sak,
m̄-kò guá mā huann-hí khuànn-tio̍h tsit khuán bô hyphen ê Lô-má-jī hong-àn.
Guá jīn-uî gián-kiù kap thó-lūn tsit khuánn tāi-tsì lóng buē-bái.
(I thought we do not require using Lomaji on this forum, so I just typed Hanji in my last post. But I can use Lomaji in this thread if you wish so~)
2 Likes
Khak-si̍t bô kui-tēng tio̍h siá Lô-má-jī. M̄-koh i ê ì-sù èng-kai sī teh mn̄g lí kóng "tó chi̍t thò bô liân-oe̍h ê Lô-má-jī", in-ūi lí téng-koân siá Hàn-jī, khòaⁿ bē chhut lí chi-chhî tó chi̍t chióng, sī chit-ê ōe-tê ê Tâiwânbûn ia̍h-sī pa̍t-ê bô liân-oe̍h ê hē-thóng. M̄-sī iau-kiû lí siá Lô-má-jī.
Góa mā jīn-ûi gián-kiú, thó-lūn lóng bē-bái, siōng-bô tī chia ta̍k-ke sī ēng Tâi-gí thó-lūn. Nā tī pa̍t-tah, éng-éng ē ū lâng siá Hôa-kok-bûn, hō͘ Hôa-kok-lâng kiò-sī in mā ē-tàng lâi chí-kàu Tâi-gí, che to̍h ū-iáⁿ ló.
Sui-jiân chia-ê thó-lūn mā sī chi̍t chióng bûn-pún (só͘-ū sú-iōng gí-giân ê kha-chiah lóng sī), m̄-koh góa siūⁿ èng-kai hán-ti̍t ū lâng o̍h Tâi-gí sī ūi-tio̍h beh tha̍k lâng teh thó-lūn Tâi-gí bûn-jī hē-thóng ·ê. Che choa̍t-tùi m̄-sī kóng bē-tàng thó-lūn, ū thó-lūn to̍h-sī hó tāi, chóng ·sī ǹg-bāng ta̍k-ke mā chia̍p siá pa̍t-ê chú-tê. Ēng ka-tī chi-chhî ê hē-thóng, che to̍h-sī siōng ti̍t-chiap ē thui-sak hong-sek.
4 Likes
Kisit, bolian'uih lomaji paukhua gua tsintselang tsulai gua to anne ing'ah. Tsong--si, kong--tioh tuihu imtsiat hunthiah, kohlang u kohlang ge tsohhuat
2 Likes
Bôchhò. Tâigíbûn beq ánchuáⁿ huadtián yû Tâigílâng kuadtēng.
2 Likes
Che tiōsī wīsiáⁿmi̍q guá ē khaisí jīnchin giânkiù chi̍d thò kuicheg.
Káipiàn yā chīnliōng chió.
1 Likes
只是ah, "yā" 這種 我覺察 對台語/ia/音節khah無合
1 Likes
"u-/i-" kab "w-/y-" sī kāng im. Kanta sī chò siaⁿbú ê sî, kái siáhuad niâ.
Tâiwânwē bô IPA:w/j chid khuán jio̍ghuà-im.