《廖添丁 - 稀代兇賊の最期》二小時半心得

今仔日發行个《廖添丁 - 稀代兇賊の最期》,應該是頭一个有台文字幕个電動

這是一个3D橫向卷軸動作Geh-m̄。因用bàng-gà風格表現日本時期个大稻埕,簡單却無秤彩
難度有簡單甲困難兩種模式,着算死去唖嗎會凍治袂遠个所在重來,對動作遊戲苦手个ī者算眞友善




會使看出開發團隊對台灣歷史甲台文,有多多考察研究。
台文部份基本上是用敎育部推薦用字濫一卦羅馬字,口白个台語氣口十足,不是直接對官話翻譯。
收集要素嗎眞趣味,會凍看着詳細日本時代个歷史紹介。劇情閣有提着眞多課本無教个台灣歷史,此方面乎我感覺眞心適





若卜講缺點,着是添丁个model面部建模,詳細共伊看着感覺怪怪个

此馬耍着第二章開頭定,總結來講,我映望這會是台灣,閣卡是台語電動个一个新開創 :slightly_smiling_face:

有Steam甲Switch兩个平台。Steam版此馬買有拍折,若有興趣愛赶緊買o̍͘h

11 Likes