開講埕構造、卜按盞整理恰好?

Khí ·a! #jit-siong:bio-khau

2 Likes

Á-ní-meh chiām sî beh hē toeh?

1 Likes

Kāng khoán tī ji̍t-siông hia: #jit-siong:anime

2 Likes

Ji̍t-siông tiâⁿ lāi-té koh ke chi̍t-ê thó-lūn tiān-iáⁿ kah chiat-bo̍k ê category kám-hó?

4 Likes

Chàn-sêng tiān-iáⁿ kap tiān-sī (chiat-bo̍k kap hì-kio̍k)!

Im-ga̍k mā ē-sái khui chi̍t-ê. Lēng-gōa ūn-tōng/hùn-liān kap chú-chia̍h mā sī forum tiāⁿ-tiāⁿ ū ê hun-lūi.

M̄-koh chit-má lia̍h bē chún ū gōa-chē lâng beh thó-lūn, mā ē-sái tán kàu 1, 2 tiâu ōe-tê chhut-hiān chiah sûi lâi siat.

3 Likes

Bô tō ti̍t-chiap khui chi̍t ê "gô͘-lo̍k" / "mûi-thé" tiâⁿ, lāi-té hun tiān-iáⁿ, chiat-bo̍k, im-ga̍k téng-téng?

"Gô͘-lo̍k" kám ū khah hó ê kóng hoat?

Góa koh ē kah #jit-siong:anime chhian kòe khì

1 Likes

Góa tī Tâi-Ji̍t chhiau tio̍h iû-gē kám-kak chin ngá, m̄-koh to̍h kiaⁿ bô-kàu chheng-chhó.

2 Likes

Án-ne #hi-hng kám hó?

2 Likes

Hì-hn̂g góa kám-kak bē-bái ŏ͘! :partying_face:

3 Likes

1932 台日大辭典(台譯版):gī-niū

番號 16248
白話字 gī-niū
白話字(其他講法)
白話字輸入 gi7-niu7
白話字輸入(其他講法)
漢羅台文(白話字) 藝量
漢羅台文解說(白話字) 消遣。
漢羅台文例句(白話字) 無 ∼∼; 做 ∼∼。
3 Likes

"gī-niū" chò tiâⁿ miâ kám ē siuⁿ ... ko-kip? :sweat_smile:

1 Likes

Ko-kip? Án-ná kóng ē hō-chò siuⁿ ko-kip?
Chò sim-sek;chò chhit-thô--ê, ta̍k-hāng lóng thang-kóng sio̍k "gī-niū".

2 Likes

Hì-hn̂g tiâⁿ èng-kai ē-tàng khui sub-tiâⁿ ·ah, im-ga̍k kap hì-kio̍k ē-sái hun ·chi̍t ·ē, chhin-chhiūⁿ á-ni-meh kāng-khoán?

2 Likes

Góa siūⁿ seng tán khah chōe ōe-tê lâi, khòaⁿ beh án-ná hun. Khó-lêng bô su-iàu hiah siông-sè? Iā sī phiau-á tō hó. Khòaⁿ māi.

3 Likes

Góa sī kám-kak á-ni-meh kah hì-kio̍k sèng-chit sio-siāng, khah-iâⁿ hì-kio̍k kah im-ga̍k ê koan-hē, nā-sī ū á-ni-meh ê sub-tiâⁿ, khó-lêng im-ga̍k kah hì-kio̍k mā hun ·chhut ·lâi án-ne khah ha̍p-lí.
M̄-koh lí ê ì-sù nā sī lóng-chóng khǹg chò-hóe (kā á-ni-meh the̍h-tiāu), án-ne mā ē-thong, tán ōe-tê khah chē chiah koh kóng.

1 Likes

Lán kám ài khui chi̍t phiàn "gōa-gí tiâⁿ"? Chit-má #tai-gi-bun ū #tai-gi-bun:learning-taioanese kap #tai-gi-bun:tiong-bun, pìⁿ chò ji̍p-khì Tâi-gí-bûn tiâⁿ ū khah chē gōa-lâi-gí.

Góa kā chhiat khui?

Góa tùi chhiat khui ia̍h-sī ûi-chhî lóng bô ì-kiàn, m̄-koh "gōa-gí tiâⁿ" khóaⁿ-liáu khah sêng teh thó-lūn gōa-gí ha̍k-si̍p hong-hoat, chu-goân téng-téng ê tiâⁿ, hām pa̍t-ūi kāng-khoán sī ēng Tâi-gí thó-lūn (chhin-chhiūⁿ chit-má Kheh-ōe, Sian-chū-bîn-gí tiâⁿ).
Che nn̄g ê "ēng gōa-gí thó-lūn Tâi-gí-bûn" khah te̍k-pia̍t, ē-sái chiàu goân-pún ê miâ to̍h hó. Góa siūⁿ èng-kai bô hiah kín ē ū gōa-chē "ēng pa̍t-ê (Tiong, Eng í-gōa) gí-giân thó-lūn Tâi-gí-bûn" ê ōe-tê...